• Նորություններ
• Հղումներ
• Գործընկերները
• Կայքի Քարտեզ

<<ՄԱՍԻՍ>> ՇԱԲԱԹԱԹԵՐԹ

(ԼԻԲԱՆԱՆԻ ՀԱՅ ՀԱՄԱՅՆՔԻ ՄԱՄՈՒԼԸ ՇԱՐՔԻՑ)

  <<Մասիս>>-ը կրոնական, հասարակական-քաղաքական, գրական շաբաթաթերթ է: Կիլիկիո Տան Հայ կաթողիկե պատրիարքության հրատարակություն: Լույս է տեսել 1947-83, 1988-95-ին: Խմբագիրներ՝ Հարություն վրդ. Թեքեյան (1947), Ռափայել վրդ. Պայան, Մեսրոպ վրդ. Թերզյան, Վարդան վրդ. Թեքեյան և Անդրանիկ վրդ. Կռանյան (1973-ից): Մեծ տեղ է հատկացրել սփյուռքահայ համայնքների, հայրենիքի, ինչպես նաև Մխիթարյան միաբանության կրթական, մշակութային ու կրոնական կյանքին, լուսաբանել միջազգային կյանքը: Քարոզել է հայ քաղաքական կուսակցությունների համերաշխություն: Հոդվածներ է տպագրել Սիամանթոյի, Դ. Վարուժանի, Մ. Մեծարենցի, Սայաթ-Նովայի, Ա. Իսահակյանի, Պ. Սևակի, Դ. Դեմիրճյանի, Սարմենի, Ա. Վշտունու, Գ. Էմինի և այլոց մասին, զետեղել այդ հեղինակների, ինչպես նաև ֆրանսիական, իտալական և եվրոպական այլ գրողների ստեղծագործություններ: Ունեցել է բժշկական բաժին (Տե´ս նաև` Լիբանանի հայ համայնքի մամուլը):

Սանջյան Ա. 

Աղբյուրը՝ <<Հայ Սփյուռք հանրագիտարան>>, գլխ. խմբ. Հովհ. Այվազյան, Հայկական հանրագիտարան հրատ., Երևան, 2003, էջ 325:

Տե´ս նաև՝

Սիամանթո, Վարուժան Դ., Երկեր, «Սովետական գրող» հրատ., Երևան, 1979:

Մեծարենց Մ., Երկեր, «Սովետական գրող» հրատ., Երևան,  1986:

Սայաթ-Նովա, «Սովետական գրող» հրատ., Երևան,  1987:

Իսահակյան Ա., Երկեր, «Սովետական գրող» հրատ., Երևան,  1987:

Դեմիրճյան Դ., Երկեր, Գիրք առաջին, «Սովետական գրող» հրատ., Երևան,  1977:

Դեմիրճյան Դ., Երկեր, Գիրք առաջին, «Սովետական գրող» հրատ., Երևան,  1977: