<<ԼԻԲԱՆԱՆ>> ԹԵՐԹ
(ԼԻԲԱՆԱՆԻ ՀԱՅ ՀԱՄԱՅՆՔԻ ՄԱՄՈՒԼԸ ՇԱՐՔԻՑ)
<<Լիբանան>>-ը հասարակական-քաղաքական և գրական շաբաթաթերթ էր, ապա՝ երկօրյա, եռօրյա թերթ: Լույս է տեսել 1924-35-ին: Պատասխանատու տնօրեններ՝ Մանվել և Ժոզեֆ Աճեմյան: Խմբագիրներ՝ Միհրան Նաճարյան, Միհրան Սեֆերյան, Հարություն Պալյան, Բագրատ Սյունիք, Սամվել Թումաճանյան, Միհրան Աղազարյան: Սկգբում՝ հայատառ թուրքերեն: Ունեցել է հնչակյան ուղղություն: Նյութեր է տպագրել Լիբանանի և Սիրիայի հայերի կյանքի, Հայաստանի առօրյայի վերաբերյալ, անդրադարձել հայրենադարձությանը: Լայն տեղ է հատկացրել պատմությանն ու մանկավարժությանը նվիրված հոդվածներին, գրական ստեղծագործություններին: <<Լիբանան>>-ի շարունակությունն է համարվում <<Հորիզոն>> շաբաթաթերթը (1935-39, խմբագիրներ՝ Վահան Տոնապետյան և Միհրան Նաճարյան), որը հրատարակել է նաև նյութեր ֆրանսերենով:
Սանջյան Ա.
Աղբյուրը՝ <<Հայ Սփյուռք հանրագիտարան>>, գլխ. խմբ. Հովհ. Այվազյան, Հայկական հանրագիտարան հրատ., Երևան, 2003, էջ 322:
Տես նաև՝
Լիբանանի հայ համայնքի մամուլը:
![](http://www.armeniandiaspora-am.armin.am//cms/image.php?image=http://www.armeniandiaspora-am.armin.am/images/menus/273/6-7 [Converted].jpg&width=50)
Ալեք Մանուկյան 1,
ԵՊՀ 2-րդ մասնաշենք,
5-րդ հարկ,
Հեռ.` + 37460 71-00-92
Էլ-փոստ` info@armin.am
Բոլոր իրավունքները պաշտպանված են: Կայքի նյութերի մասնակի կամ ամբողջական օգտագործման, մեջբերումների կատարման դեպքում հղումը պարտադիր է` www.historyofarmenia.am