Սույն թվականի հուլիսի 7-ին հայոց լեզվի արագացված դասընթացով մեկնարկեց ՀՀ սփյուռքի նախարարության «Սփյուռք» ամառային դպրոցը, որ կիրականացվի Երևանի պետական համալսարանի հետ համատեղ: «Սփյուռք» ամառային դպրոցի հայոց լեզվի արագացված դասընթացի մասնակցության իրավունք  ստացել են  110 սփյուռքահայ աշխարհի 15 երկրից:

  Դասընթացի խմբերը ձևավորված են  մասնակիցների լեզվական գիտելիքների մակարդակին համապատասխան: Բոլոր մասնակիցները ստացել են ուսումնական և միջոցառումների ծրագրային ուղեցույցներ, դասացուցակ, ինչպես նաև ուսումնաօժանդակ անհրաժեշտ պարագաներ: